Qostanaı qalasyna 140 jyl toldy. Qostanaılyqtar men qala qonaqtary ony eki kún boıy keń kólemde atap ótip jatyr.Mereke baǵdarlamasy mazmundy ári baı. Merekege qala ákimdigi barynsha daıyndaldy, qalany gúl kómkerip tur. Qala merekesi aıasynda oblys ortalyǵynda kóptegen sharalar ótkizý qamtylǵan.
Merekeni keshe Qostanaı qalasyndaǵy jańa ásem ǵımaratta ótken «Shámshi álemi» konserti bastady. Búgin belgili músinshi Hakimjan Naýryzbaevqa qoıylǵan músinniń belgili óner jáne ádebıet maıtalmandary ári talantty músinshiniń zamandas inileri Asanáli Áshimovtyń, jazýshy Tólen Ábdiktiń, Qoıshyǵara Salǵaraulynyń qatysýymen saltanatty ashylýy ótti.
Mereke ortalyq alańda ótetin «Arý qalam – Qostanaıym!» atty saltanatty keshki baǵdarlamamen jalǵasyp tappaq. Onda oblys ákimi Arhımed Muhambetov qostanaılyqtardy merekemen quttyqtaıdy, «Qostanaı oblysynyń qurmetti azamaty», «Qostanaı qalasynyń qurmetti azamaty» tósbelgileri tapsyrylady. Árıne, mereke sánin án men jyr keltiredi, qostanaılyqtar Qazaqstan jáne Reseı estrada juldyzdarynyń qatysýymen Gala konsertin tamashalaıdy, merekelik otshashýdy qazataıdy.
Qostanaı